Rasman. «PSJ» «Roma» himoyachisi bilan shartnoma imzoladi

"PSJ" klubi Alessandro Florentsi bilan shartnoma imzolanganini e'lon qildi.

Italiyalik himoyachi mavsum-2020/21ni ijara asosida Parijda o'tkazadi. Buning uchun "Roma" 1 million evro miqdorida haq oladi. Kelishuvga ko'ra, Frantsiya chempioni 2021 yilning yozida Alessandroni 9 million evro evaziga sotib olish imkoniyatiga ega bo'ladi.

Eslatib o'tamiz, Florentsi "Roma" bosh murabbiyi Fonseka paytida asosiy tarkibdagi o'rnini yo'qotdi. So'nggi yarim mavsumni u "Valensiya" safida o'tkazdi.