Neymar Suaresni «PSJ»ga chorlamoqda

«PSJ» klubi «Barselona» hujumchisi Luis Suaresga qiziqish bildirmoqda.

Parijliklar 33 yoshli futbolchi bilan aloqaga chiqishdi. Jurnalist Tankredi Palmeri tvitter orqali xabar tarqatishicha, «PSJ» hujumchisi Neymar urugvaylik futbolchini o'z jamoasiga olib o'tishda yordam bermoqchi. Bundan tashqari, Parij klubi Luisga 20 million evro miqdorida yillik maosh taklif qilmoqda. Jamoani Edinson Kavani va Tyago Silva tark etishganidan keyin "PSJ" shuncha miqdordagi pulni tejashga muvaffaq bo'lgan edi.

Avvalroq matbuotda Suares «Yuventus» bilan yillik maoshi 10 million evroga teng shaxsiy shartnoma borasida kelishuvga erishgani haqida xabar tarqalgan edi.