Van de Bek «MYu» uchun tibbiy ko'rikdan o'tdi

«Ayaks» yarim himoyachisi Donni van de Bek «Manchester Yunayted» uchun tibbiy ko'rikdan muvaffaqiyatli o'tdi. Futbolchining transferi bir necha kun ichida rasmiylashtiriladi.

"Sky Sports" tarqatgan xabarga ko'ra, van de Bek Niderlandiya terma jamoasi safida Millatlar ligasi doirasida bo'ladigan Polsha (4 sentyabr) va Italiya (7 sentyabr) terma jamoalariga qarshi qarshi o'yinlardan keyin Angliyaga keladi.

Agar Donni Italiyaga qarshi o'yingacha "MYu" a'zosi sifatida ro'yxatdan o'tkazilsa, u Buyuk Britaniyaga kelganidan keyin 14 kunlik majburiy karantinda o'tirmaydi.

Avvalroq manunianliklar van de Bek uchun 40 million evro to'lab, o'yinchi bilan 5 yillik shartnoma imzolashi haqida xabar tarqatilgan edi.