Kevin de Bryuyne «Real»ga rad javobini berdi

«Real» prezidenti Florentino Peres «Manchester Siti» yarim himoyachisi Kevin de Bryuyneni qo'lga kiritishni istamoqda. Bu haqda Don Balon xabar tarqatdi.

Manbaga ko'ra, "Qirollik klubi" vakillari 27 yoshli futbolchi bilan aloqaga chiqishdi. Ammo belgiyalik futbolchi «Santyago Bernabeu»ga ko'chib o'tish taklifiga rad javobini berdi. Futbolchi "shaharliklar" safidagi faoliyatidan qoniqish hosil qilmoqda.

Faktlar:
— Kevin de Bryuyne ushbu mavsumda «Manchester Siti» safida 13ta o'yinda maydonga tushib, 3ta gol urdi va ikkita golga uzatma berdi.
— "Shaharliklar" uning transfer bahosini 200 million evroga baholashmoqda.