Rasman. Aleksey Miranchuk «Atalanta»ga o'tadigan bo'ldi

"Atalanta" Moskvaning "Lokomotiv" klubi yarim himoyachisi Aleksey Miranchukning transferi borasida kelishuvga erishdi. Bu haqda rossiyaliklar matbuot xizmati xabar tarqatdi.

Futbolchi yaqin orada Italiyaga yo'l oladi va tibbiy ko'rikdan o'tadi. Shundan so'ng Miranchuk bergamoliklar bilan shartnoma imzolaydi. Transfer summasi 15 million evro atrofida bo'ladi.

24 yoshli Miranchuk "Lokomotiv" tarbiyalanuvchisi hisoblanadi. U moskvaliklar safida barcha musobaqalar doirasida 228ta o'yinda maydonga tushib, 43ta gol urdi va 45ta golga uzatma berdi. Uning "temiryo'lchilar" bilan shartnomasi 2021 yilning yoziga qadar tuzilgan.