«Milan» darvozaboni «Latsio»ga o'tdi

«Latsio» klubi «Milan» darvozaboni Pepe Reyna bilan shartnoma imzoladi. Posbon bilan qancha muddatga shartnoma imzolangani va futbolchining maoshi borasida ma'lumot berilmadi.

Reynaning «rossoneri» bilan shartnomasi 2021 yilning yoziga qadar tuzilgan edi, ammo milanliklar 38 yoshli o'yinchi bilan shartnomani muddatidan avval bekor qilishga qaror qilishdi.

Reyna o'tgan mavsumning ikkinchi yarmini ijara asosida «Aston Villa» safida o'tkazdi. U angliyaliklar safida APL doirasida 12ta o'yinda maydonga tushib, 20ta gol o'tkazdi.