Kevin-Prins Boateng «Barselona»ga o'tayotganini tasdiqladi

«Sassuolo» yarim himoyachisi Kevin-Prins Boateng «Barselona»ga o'tayotganini tasdiqladi.

«Barsa», kutib ol, men ketyapman. «Sassuolo»ni tark etish men uchun og'ir, ammo ajoyib imkoniyatni qo'ldan chiqarishni istamadim. Mendan «Real» haqida so'ramang... Bu o'tmish (avvalroq Boateng "Qirollik klubi"ga nisbatan simpatiyasi borligini aytgandi).

Bor e'tiborimni «Barselona»ga qaratishni istayman. «Bernabeu»da o'tadigan el-klasikoda gol urishni istayman», – dedi 31 yoshli futbolchi Football Italia'ga bergan intervyusida.

Boateng ushbu mavsumda «Sassuolo» safida 15ta o'yinda maydonga tushib, 5ta gol urdi va 2ta golga uzatma berdi.