Suares «Barselona»ni tark etishni istamayapti

"Barselona" hujumchisi Luis Suares yozda jamoani tark etmoqchi emas. Bu haqda jurnalist Janluka Di Martsio xabar tarqatdi.

Manbaga ko'ra, urugvaylik futbolchi shartnomaning oxirigacha "Kamp Nou"da qolmoqchi. U boshqa jamoa safiga o'tsa, maosh borasida yo'qotishga uchraydi.

"Barselona" uchun 33 yoshli futbolchining bir yillik maoshi 25 million evroga tushadi (soliqlar bilan birga). "Ayaks" esa Suaresga sof 3 million evro maosh taklif qilmoqda.

Eslatib o'tamiz, Luis Suaresning "ko'k-anorranglilar" bilan shartnomasi 2021 yilda yakuniga etadi. Jamoa yangi bosh murabbiyi Ronald Kuman hujumchini o'z rejalariga kiritmayapti.