Manba: «Chelsi» «Lester» himoyachisini qo'lga kiritdi

«Chelsi» klubi «Lester» himoyachisi Ben Chiluellning transferini hal qildi. Bu haqda insayder Nikolo Shira tvitter orqali xabar tarqatdi.

23 yoshli futbolchi londonliklar bilan 5 yillik shartnoma imzolaydi. Avvalroq Shira transfer summasi 52 mln. evroga teng bo'lishi haqida yozgan edi.

Bundan tashqari, «Chelsi» «Bayer» yarim himoyachisi Kay Xavertsning transferiga o'z e'tiborini qaratmoqchi. "Ko'klar" ushbu futbolchi uchun taklifni 80-90 mln. evroga ko'tarishmoqchi. «Bayer» dastlab o'z futbolchisi uchun 100 mln evro so'ragan edi. Ammo futbolchi «Chelsi» o'tish istagini bildirsa, narx tushishi mumkin.