«Arsenal» va «Bavariya» o'zaro futbolchi almashishi mumkin

«Arsenal» yarim himoyachisi Mesut O'zil «Bavariya»ga o'tishi mumkin. Don Balon tarqatgan xabarga ko'ra, "kanonirlar" myunxenliklardan Xames Rodrigesni qo'lga kiritish maqsadida germaniyaliklarga O'zilni taklif qilmoqda.

Bu taklifga "Bavariya"ning javobi qanday bo'lgani hozircha noma'lum. Shunisi aniqki, «Arsenal» bosh murabbiyi Unai Emeri so'nggi o'yinlarda O'zilni maydonga tushirmayapti va Mesut jamoani tark etishini istamoqda.

Faktlar:
— Germaniyalik futbolchining londonliklar bilan shartnomasi 2021 yilning yoziga qadar tuzilgan.
— O'zil APLning ushbu mavsumida 13ta o'yinda maydonga tushib, 3ta gol urdi va ikkita golga uzatma berdi.