«Chelsi» Koutino uchun 100 mln funt taklif qildi

"Barselona" yarim himoyachisi Filippe Koutinyu Angliya premer-ligasiga qaytishi mumkin. "Express" nashri tarqatgan xabarga ko'ra, londonliklar 26 yoshli futbolchining xizmatiga jiddiy qiziqish bildirishmoqda.

Ma'lumotlarga qaraganda, "Chelsi" "Barselona" bilan aloqaga chiqib, Koutino uchun 100 mln funt taklif qildi. Agar kataloniyaliklar Filippeni sotishga qaror qilishsa, uning transferidan tushadigan summa Neymarni jamoaga qaytarish uchun sarflanadi.

Braziliyalik futbolchining o'zi esa "Kamp Nou"da qolishni istaydi. Koutino "Barsa"ning so'nggi 7ta o'yinidan faqat 3tasida boshlang'ich tarkibda maydonga tushdi.

"Barselona" o'tgan yilning qishki transfer paytida Fillipe Koutinoni "Liverpul"dan 160 mln evroga sotib olgandi.