«Barselona» Rabo oldiga so'nggi talabni qo'ydi

"Barselona" rahbariyati "PSJ" yarim himoyachisi Adrien Rabodan kelajagi borasida yakuniy qarorga kelishni talab qildi. Bu haqda Mundo Deportivo xabar tarqatdi.

Kataloniyaliklar frantsiyalik futbolchiga o'ylab ko'rish uchun bir hafta vaqt berdi. Bir haftadan keyin Rabo o'zining qarorini ma'lum qilishi kerak. Aks holda "ko'k-anorranglilar" futbolchini "Kamp Nou"ga olib kelish rejasidan voz kechadi.

Avvalroq "Barsa" Adrienga shartnoma imzolagani uchun 10 million evro mukofot puli va yiliga 10 million evro yillik maosh taklif qilayotgani haqida xabarlar tarqalgandi. Futbolchining onasi esa kataloniyaliklardan 15 mln evro yillik maosh talab qilmoqda.

Ma'lumot o'rnida. "Barselona"dan tashqari Raboga "Bavariya" va "Tottenxem" klublari ham qiziqish bildirmoqda.