«Inter» Martines uchun «Barselona» oldiga navbatdagi talabni qo'ydi

«Barselona» klubi «Inter» bilan hujumchi Lautaro Martinesning transferi borasida kelishuvga erisha olmayapti.

"Salciomercato" tarqatgan xabarga ko'ra, "neradzurri" argentinalik futbolchini 111 million evrodan kamiga sotmoqchi emas. Shuning uchun milanliklar "ko'k-anorranglilar"dan 85 million evro va himoyachi Junior Firponi talab qilishmoqda.

«Barselona» esa Firpo va 65 million evro taklif qilmoqda. Kataloniyaliklar bundan ortig'ini to'lashga tayyor emas.

Klublar o'rtasidagi muzokaralarning cho'zilib ketgani Lautaro va uning yaqinlariga yoqmayapti. Futbolchi "Barsa"ga o'tish niyati borligini ma'lum qilgan, ammo "Inter" uning o'tishiga haddan tashqari ko'p to'sqinlik qilmoqda.