Rasman! Timo Verner — "Chelsi" futbolchisi

Londonning "Chelsi" klubi "Leyptsig" hujumchisi Timo Verner transferini rasman e'lon qildi.

"Ko'klar" transfer narxini ma'lum qilishmadi, ammo avvalroq 24 yoshli futbolchi "aristokratlar"ga 59 million evroga tushishi mumkinligi xabar qilingandi.

Verner "Chelsi" bilan 5 yillik shartnoma imzoladi. U ushbu mavsumni "Leyptsig"da o'tkazadi, keyin esa London klubi uchun tibbiy ko'rikdan o'tadi va yangi klubiga kelib qo'shiladi.