«Barselona» Usmon Dembeleni arzon narxga sotib yuborishga tayyor

"Barselona" klubi hujumchi Usmon Dembeleni arzon narxda sotishga tayyor. Bu haqda Sport.es xabar tarqatdi.

Manbaga ko'ra, kataloniyaliklar Usmonni 42 million evroga sotib yuborishga qaror qilishdi. Yillik maoshi 12 million evro teng futbolchi haddan tashqari ko'p jarohat olgani bois "ko'k-anorranglilar" frantsiyalik o'yinchining narxini ancha tushirishdi. Vaholanki, "Barsa" uni 125 million evroga sotib olgan edi.

Dembelega "PSJ" qiziqish bildirmoqda. Shuningdek, Italiyaning ba'zi klublari uni ijaraga olishga tayyor.