«Napoli» to'rt futbolchining savdosidan 200 mln dollar daromad olmoqchi

«Napoli» yozgi transfer paytida etakchi futbolchilarini sotish orqali jamoada qayta qurishni amalga oshirmoqchi.

Neapolliklar prezidenti Aurelio De Laurentis jamoaning hozir epoxasi yakuniga etmoqda, deb hisoblamoqda. Shuning uchun u bosh murabbiy Jennaro Gattuzoga  yangi jamoani shakllantirish uchun imkon bermoqchi.

«Napoli» yozgi transfer paytida Arkadiush Milik, Allan, Kalidu Kulibali va Fauzi G'ulomni sotish evaziga 200 million evro daromad olmoqchi.

Klub senegallik Kalidu Kulibalini kamida 90 mln evroga sotmoqchi. Unga «Manchester Yunayted», «PSJ» i «Liverpul» klublari qiziqish bildirishmoqda.

Yarim himoyachi Allan o'tgan yilning yozida «PSJ»ga o'tishga yaqin kelgandi. Bu safar esa Karlo Anchelotti boshchiligidagi «Everton» ham kurash olib boradi.

Arkadiush Milik esa yangi shartnoma borasida «Napoli» bilan kelisha olmadi. Shu bois, klub uni sotib yubormoqchi. Unga «Yuventus», «Chelsi» va «Tottenxem Xotspur» jamoalari qiziqish bildirishmoqda.

G'ulom esa tizzasidan olgan og'ir jarohatidan hamon tiklana olmayapti. Shu bois, u ham yozda jamoani tark etishi mumkin.