Ronaldu «Yuventus»dan «Fiorentina» etakchisi bilan shartnoma imzolashni so'ramoqda

"Fiorentina" hujumchisi Federiko Keza faoliyatini "Yuventus"da davom ettirishi mumkin.

"Calciomercato" tarqatgan xabarga ko'ra, "keksa sinora" forvardi Krishtianu Ronaldu klub rahbariyatidan 22 yoshli futbolchini sotib olishni so'ramoqda. Portugaliyalik futbolchi, agar lozim bo'lsa, ushbu transferni amalga oshirishda yordam berishga tayyorligini ma'lum qilgan.

Avvalroq "Fiorentina" o'z etakchisi uchun kamida 50 million evro so'rayotgani haqida xabar berilgan edi.

Eslatib o'tamiz, Kezaning xizmatlariga, shuningdek, "Inter", "Manchester Yunayted", "Napoli" va "Chelsi" jamoalari ham qiziqish bildirmoqda.