Arnautovich Ahmedov jamoadoshiga aylanishi mumkin

Xitoyning “Shanxay SIPG” klubi “Vest Xem” hujumchisi Marko Arnautovichga qiziqib qoldi. Bu haqda The Times nashri xabar bermoqda.

Manbaning xabariga qaraganda, xitoyliklar futbolchini qishki transfer oynasidayoq sotib olmoqchi. Ular futbolchi uchun 50 million evro to'lashga tayyor. Arnautovichning o'ziga esa yiliga 17,5 million evro maosh taklif qilishyapti.

Eslatib o'tamiz, joriy mavsum Arnautovich “Vest Xem” safida 18 ta o'yinda 8 ta gol urgan.