«Barselona» sobiq vitse-prezidenti: «Neymar yozda jamoaga qaytishi mumkin»

«Barselona» klubi sobiq vitse-prezidenti Emili Ruso jamoa sardori Lionel Messi va «PSJ» forvardi Neymarning taqdiri borasida o'z fikrini bildirib o'tdi.

«O'ylashimcha, Messi va «Barselona» shartnomani uzaytirish borasida kelishuvga erishishadi. Buning uchun har ikkala tomon ba'zi manfaatlaridan voz kechib, murosaga borishlari kerak. Agar yangi shartnoma imzolanmasa, bundan hayron bo'lardim.

Shuningdek, Neymar yozda "Barsa"ga qaytishi mumkin. Bu menga imkonsizdek ko'rinmayapti. Pandemiya tufayli futbolchilarning narxi pasayadi. Bu xaridor klublar uchun yaxshi, sotuvchilar uchun yomon», — dedi Ruso "ESPN Deportes" nashriga bergan intervyusida.