Klopp "Liverpul"ga yangi hujumchi olib kelmoqchi

"Liverpul" "Leyptsig" hujumchisi Timo Vernerni sotib olish niyatida.

"Qizillar" bosh murabbiysi Yurgen Klopp 24 yoshli nemis futbolchisining xizmatiga shaxsan qiziqish bildirmoqda.

Klopp Vernerni "Liverpul"ga o'tishga ko'ndirish uchun u bilan uchrashishni istamoqda. U Vernerning maqsadi nima ekanligini bilmoqchi.

Biroq, dunyoda koronavirus pandemiyasi bilan bog'liq cheklovlar tufayli ushbu uchrashuv hali o'tkazilmaydi. Verner kelajagi haqida qaror qabul qilmagan. Unga "Bavariya" ham da'vogar.

Ma'lumot uchun, Verner ushbu mavsumda Bundesligada 25 o'yinda 21 ta gol urdi va 7 ta golli uzatmani amalga oshirdi.