«Beshiktosh» PSJ hujumchisini ko'zlayapti

Turkiyaning “Beshiktosh” klubi PSJning kamerunlik hujumchisi Erik Maksim Chupo-Motingga qiziqib qoldi. Bu haqda France Football nashri xabar bermoqda.

Manbaning xabariga ko'ra, turkiyaliklar futbolchini qishki transfer oynasidayoq olib kelishmoqchi. Futbolchining o'zi ham o'yin amaliyotiga ega bo'lish uchun jamoasini o'zgartirishga qarshi emas.

Eslatib o'tamiz, futbolchi yozda “Stok Siti”dan PSJga o'tgandi. U joriy mavsum 13 ta o'yinda maydonga tushib, 1 ta gol urgan.