Benatiya faoliyatini “A” Seriyaning boshqa jamoasida davom ettirishi mumkin

Turinning “Yuventus” klubi himoyachisi Mexdi Benatia mavsum so'ngida jamoadan ketishi mumkin. Bu haqda Football Italia nashri xabar bermoqda.

Manbaning xabariga ko'ra, futbolchini “Milan” o'z safiga qo'shib olmoqchi. Futbolchining o'zi ham jamoasini o'zgartirishga qarshi emas.

Eslatib o'tamiz, futbolchining turinliklar bilan tuzilgan amaldagi shartnomasi 2020 yilgacha mo'ljallangan.