«Barselona» Rodrigo transferini hal qila olmadi va e'tiborini «Ayaks» hujumchisiga qaratdi

«Barselona» klubi «Ayaks» hujumchisi Dushan Tadichning transferi borasida muzokara olib bormoqda.

Jurnalist Janluka Di Martsio tarqatgan xabarga ko'ra, "ko'k-anorranglilar" Rodrigo masalasida «Valensiya» bilan kelisha olmaganidan so'ng o'z e'tiborini 31 yoshli serbiyalik futbolchiga qaratgan.

Ma'lumotlarga qaraganda, Tadichning agenti bugun Ispaniya uchib kelib, transfer masalasi bilan shug'ullanishi mumkin.

Tadichning transfer narxi 25 million evroga baholanmoqda. U «Ayaks» safida 2018 yilning yozidan buyon faoliyat yuritib kelmoqda. Bir yarim yil davomida u 89ta o'yinda maydonga tushib, 50ta gol urdi va 45ta golga uzatma berdi.