Leonardo: «Kavani «PSJ»ni tark etishni so'radi»

«PSJ» sport direktori Leonardo tan olib aytishicha, jamoa hujumchisi Edinson Kavani qishki transfer paytida o'zini sotishni so'ragan.

«U jamoani tark etishni so'radi. Biz vaziyatni o'rganyapmiz. Bizga «Atletiko»dan taklif tushdi, lekin ular taklif qilgan narx bizga to'g'ri kelmadi. Biz uni sotmoqchi emasmiz, ammo fevral oyida Kavani safimizda qolishiga ishonchim komil emas. Biz unga quloq solamiz, chunki uni hurmat qilamiz», - dedi Leonardo Goal.com nashriga bergan intervyusida.

Eslatib o'tamiz, Kavani 2013 yilda «Napoli»dan «PSJ»ga o'tgandi. Ushbu mavsumda urugvaylik futbolchi barcha musobaqalar 14ta o'yinda maydonga tushib, 5ta gol urdi va bitta golga uzatma berdi. Uning parijliklar bilan shartnomasi 2020 yilning yozida yakuniga etadi.