Ibrahimovich «Milan»da qanday raqamda o'ynashi aniq bo'ldi (video)

"Milan" hujumchisi Zlatan Ibrahimovich o'ziga raqam tanladi. Shvetsiyalik futbolchi "rossoneri" safida mavsumni 21-raqamli futbolkada o'tkazadigan bo'ldi. "Milan" matbuot xizmati e'lon qilgan qisqa videorolikda shu narsa aks ettirilgan.

38 yoshli futbolchi tibbiy ko'rikdan o'tish va shartnoma imzolash uchun Milanga uchib keldi. Uning taqdimot marosimi 4 yanvar, juma kuni o'tkaziladi.

Ibrahimovich milanliklar bilan mavsum oxiriga qadar shartnoma imzolaydi. U o'yinlarning yarmidan ko'prog'ida ishtirok etsa, shartnoma avtomat ravishda yana bir yilga uzaytiriladi.