Isko «Chelsi»ga emas, APLning boshqa jamoasiga o'tmoqchi

"Real" yarim himoyachisi Isko, katta ehtimol bilan, faoliyatini Angliya chempionatida davom ettiradi.

El Desmarque tarqatgan xabarga ko'ra, 27 yoshli futbolchining xizmatiga "Chelsi" qiziqish bildirmoqda. Ammo futbolchining o'zi "Manchester Siti"ga o'tishni istamoqda. Xosep Gvardiola esa David Silvaning o'rnini egallashi uchun Iskoni "shaharliklar" safiga o'tishga ko'ndirmoqda.

Isko ushbu mavsumda 13ta o'yinda maydonga tushib, ularda ikkitaga golga uzatma berdi. Uning "Real" bilan shartnomasi 2022 yilning yozida yakuniga etadi. Futbolchining transferi 50 million evroga baholanmoqda.