«Lokomotiv» O'zbekistonda tug'ilgan «Gannover» futbolchisiga qiziqib qoldi

Germaniyaning "Gannover" klubi himoyachisi Valdemar Anton faoliyatini Rossiyada davom ettirishi mumkin.

23 yoshli futbolchiga Moskvaning "Lokomotiv" klubi qiziqish bildirmoqda. Bu haqda championat.com xabar bermoqda.

Manbaning ma'lum qilishicha, "Lokomotiv" ustozi Yuriy Syomin himoya qo'rg'onini aynan Valdemar Anton bilan kuchaytirmoqchi. Tomonlar hozircha kelishuvga erishganlari yo'q.

Ma'lumot uchun, Anton hozirda "Gannover" klubi safida ikkinchi Bundesligada to'p surmoqda. Ushbu mavsumda Valdemar 16 o'yinda maydonga tushgan bo'lib, uning jamoasi 18 jamoa orasida 13-o'rinda bormoqda.

Eslatib o'tamiz, Valdemar O'zbekistonda tug'ilgan bo'lib, o'z vaqtida Germaniyaga ko'chib o'tgan.