Ernesto Valverde: «Arturo Vidal «Barselona»ni tark etmaydi»

«Barselona» bosh murabbiyi Ernesto Valverde jamoa yarim himoyachisi Arturo Vidalning «Inter»ga o'tishi mumkinligi haqidagi xabarlarga o'z munosabatini bildirdi.

«Bizda maydon markazida tanlov imkoniyati keng. Vidal va Alenya kabi futbolchilarning katta kuch bilan harakat qilishini qadrlayman. Ularning safimizda bo'lishi, shubhasiz, biz uchun foydali.

Arturo esa anchadan beri jamoani  tark etishi mumkinligi haqida gapirib kelishyapti: u bizning o'yinchi, u gol urdi, u jamoamizni tark etadi, deb o'ylamayman», – dedi Valverde.