"Atletiko" yulduzi "Inter"ga o'tishga rozi bo'ldi

"Atletiko" himoyachisi va sardori Diego Godin faoliyatini "A" seriyada davom ettirishi mumkin.

Italiyalik jurnalist Janluka Di Martsioning ma'lumotiga ko'ra, urugvaylik futbolchi "Inter" bilan ikki yillik shartnoma borasida kelishib olgan. Godin yaqin vaqtlar ichida tibbiy ko'rikdan o'tadi va rasmiy shartnoma imzolaydi. Futbolchining madridliklar bilan shartnomasi yozda nihoyasiga etadi.

Futbolchini yozda "Manchester Yunayted" qo'shib olishni istagan edi, ammo futbolchi buni xohlamadi. Shuningdek, u "Atletiko" bilan shartnomasini uzaytirgani haqida xabarlar tarqalgan, biroq klub buni tasdiqlamadi.