«Milan» dastlabki transferni e'lon qildi

«Milan» mutbuot xizmati tvitterdagi sahifasi orqali «Flamengo» hujumchisi Lukas Paketa bilan shartnoma imzolanganini ma'lum qildi.

Shartnoma 2023 yilning iyuniga qadar tuzilgan. Transfermarkt ma'lumotiga ko'ra, futbolchining transfer narxi 35 million evroga baholangan.

Paketaning "Milan"ga o'tishi 2018 yilning oktyabr oyida ma'lum bo'lgandi. Ammo unga «Manchester Yunayted» va «Barselona» klublari ham da'vogarlik qilishayotgandi.

Lukas «Flamengo» safida 63ta o'yinda maydonga tushib, 13ta gol urgan va 5ta golga uzatma bergan.

A seriyaning ushbu mavsumida Jennaro Gattuzo jamoasi jadvalda 5-o'rinni egallab turibdi. «Rossoneri» Evropa ligasi pley-off bosqichi yo'llanmasini qo'lga kirita olmadi.