«Barselona» qishda 5 futbolchini sotib olish uchun 150 million evro ajratadi

«Barselona» rahbariyati qishki transfer paytida jamoani kuchaytirish uchun 150 million evro ajratishga qaror qildi.

Mundo Deportivo tarqatgan xabarga ko'ra, kataloniyaliklar 5 nafar futbolchi — darvozabon, markaziy himoyachi, ikki yarim himoyachi va hujumchi sotib olishmoqchi. Manbada "Barsa" aynan qaysi futbolchilarni sotib olishi mumkinligi haqida ma'lumot berilmadi.

Faktlar:
— Ispaniya La ligasining 17-turidan keyin "ko'k-anorranglilar" jadvalda «Atletiko»ni 3 ochko ortda qoldirgan holda peshqadamlik qilishmoqda.
— «Barselona» Evropa chempionlar ligasining 1/8 final bosqichida «Lion» bilan to'qnash keladi.