«Barselona» Grizmanni Neymarga almashishi mumkin

«Barselona» hujumchisi Antuan Grizmann yaqin oylar ichida jamoa sardori Lionel Messi bilan yaxshi munosabat o'rnatmasa, klub rahbariyati uni «PSJ» forvardi Neymarga almashishi mumkin. Bu haqda Le10Sport xabar tarqatdi.

Manbaga ko'ra, «Barsa» rahbariyati Messi va Grizmann o'rtasidagi munosabat qay darajada bo'lishini diqqat bilan kuzatib bormoqda. Agar argentinalik futbolchi Antuanning transferi uchun klubni ayblashda va Neymarni qo'lga kirita olmagani uchun rahbariyatni tanqid qilishda davom etsa, jamoa Neymarni Grizmannga almashish variantini ko'rib chiqishga tayyor.

Braziliyalik futbolchi "Kamp Nou"ga qaytishni istamoqda. Ammo «PSJ» hozircha uni sotishga tayyor emas.

Grizmann 2019/20 yilgi mavsumda La liga doirasida 7ta o'yinda maydonga tushib, 3ta gol urdi va 2ta golga uzatma berdi.