«Barselona» «Real» qiziqayotgan futbolchi bilan shartnoma imzolamoqchi

“Barselona” “Napoli”ning ispaniyalik yarim himoyachisi Fabian Ruisga qiziqib qoldi, deya yozmoqda Mundo Deportivo.

Manbaning xabariga ko'ra, kataloniyaliklar kelasi yozgi transfer oynasida futbolchini olib kelmoqchi.

Avvalroq, Ruis xizmatiga “Real” ham qiziqayotgan edi, ammo neapolliklar futbolchi borasidagi 45 million evrolik taklifni rad etgan edi.

Eslatib o'tamiz, o'tgan mavsum 23 yoshli Ruis “Napoli” safida 40ta o'yinda maydonga tushgan va 7ta gol urishga erishgan.