«Barselona»ga o'tishi barbod bo'lganini eshitgan Neymar yig'lab yubordi

«PSJ» hujumchisi Neymar o'zining «Barselona»ga transferi barbod bo'lganini eshitib, qattiq ranjigan.

«Ko'k-anorranglilar» vakillari 31 avgust kuni braziliyalik futbolchiga qo'ng'iroq qilib, parijliklar so'nggi taklifga rad javobini berganini aytishdi. Buni eshitgan Neymar suhbat jarayonida yig'lab yuborgan.

So'nggi tarqatilgan xabarlarga ko'ra, «Barselona» futbolchilari Neymarning transferga amalga oshmaganidan norozi bo'lishdi. Ularning fikricha, jamoa 27 yoshli futbolchini qo'lga kiritishni unchalik istamagan va shu bois, sidqidildan harakat qilmagan.

El Chiringuito jurnalisti Xosep Pedrerolning ta'kidlashicha, «Barsa» prezidenti Josep Bartomeu Neymar bilan shartnoma imzolashni istamagan. Shunchaki u Messining oldidan obro'sini saqlab qolish uchun shov-shuvni yuzaga keltirdi.