«Vest Bromvich» «Barselona» ustidan FIFAga shikoyat qilmoqchi

"Vest Bromvich" klubi "Barselona" ustidan FIFAga shikoyat tayyorlamoqda.

Gap shundaki, "ko'k-anorranglilar" shu yilning iyun oyida angliyaliklar hujumchisi Lui Barri bilan shartnoma imzolashdi. Kataloniyaliklar 16 yoshli futbolchini erkin agent sifatida qo'lga kiritishgan edi.

"Vest Bromvich" esa yosh futbolchini tarbiyalagani uchun "Barsa"dan 250 ming evro talab qilmoqda. Kataloniyaliklar hozircha bu to'lovdan bosh tortmoqda. Shu bois, "Vest Bromvich" FIFAga shikoyat kiritib, "Barselona"dan bu mablag'ni undirishni ko'zlamoqda.