Rasman! «Roma» Mxitaryanni ijaraga oldi

“Arsenal” yarim himoyachisi Genrix Mxitaryan “Roma”ga o'tdi.

Rimliklar futbolchini bir mavsum uchun 3 million evroga ijaraga oldi. Shuningdek, “kanonirlar” bonus tariqasida yana 100 ming evro ham olishi mumkin.

Avvalroq, “Roma” futbolchi uchun hamma maoshini to'lab, keyinchalik futbolchini 15 million evroga to'liq sotib olishi haqida xabarlar tarqalgan edi.

Eslatib o'tamiz, Genrix 2018 yilning yanvar oyida «Manchester Yunayted»dan «Arsenal»ga o'tgan edi. U Angliya chempionatining o'tgan mavsumida 25ta o'yinda maydonga tushib, 6ta gol urdi va 4ta golga uzatma berdi.