Ikardi «Valensiya»ga o'tishi mumkin

"Valensiya" klubi "Inter" hujumchisi Mauro Ikardi bilan shartnoma imzolashni istamoqda. Bu haqda La Gazzetta dello Sport xabar tarqatdi.

Manbaga ko'ra, "ko'rshapalaklar" argentinalik futbolchini ijaraga olmoqchi. Valensiyaliklar forvardi Rodrigo Moreno "Atletiko"ga transfer qilinadigan bo'lsa, jamoa uning o'rniga Ikardini olib kelmoqchi.

Eslatib o'tamiz, "neradzurri" yangi bosh murabbiyi Antonio Konte ushbu mavsumda Ikardiga imkoniyat bermoqchi emas. Shu bois, uni jamoa mashg'ulotidan chetlatdi. Mauro esa bunga javoban klubni sudga berdi.