Pogba «Azar sxemasi» bo'yicha «Real»ga o'tishi mumkin

"Manchester Yunayted" yarim himoyachisi Pol Pogba "Real"ga o'tish rejasini tuzib oldi.

Marca nashri tarqatgan xabarga ko'ra, frantsiyalik futbolchi mankunianliklar bilan yangi shartnoma imzolashdan bosh tortmoqda. Eslatib o'tamiz, uning "MYu" bilan shartnomasi 2021 yilning yozida yakunlanadi. 2020 yilning yozida esa "Yunayted" uni arzonroq narxda "Real"ga sotib yuborishga majbur bo'ladi. Aks holda Pogba jamoani bepul tark etishi mumkin.

Ushbu yozgi transfer paytida "Man. Yunayted" Pol uchun 180 mllion evro so'radi, ammo madridliklar uni bu narxga sotib olmadi.

Ma'lumot o'rnida. Yozgi transfer paytida "Real" klubi "Chelsi" yarim himoyachisi Eden Azarni xarid qildi. Belgiyalik futbolchining londonliklar bilan shartnomasi 2020 yilda yakuniga etar edi. Madridliklar uni 100 million evroga sotib olishdi. Shartnomada yana 45 million evrogacha bonuslar ko'zda tutilgan.