«PSJ» Neymarning o'rniga boshqa futbolchini ko'zlab qo'ydi

«PSJ» klubi hujumchi Neymarni «Barselona»ga sotsa, «Tottenxem» yarim himoyachisi Kristian Eriksenni qo'lga kiritmoqchi.

The Sun tarqatgan xabarga ko'ra, parijliklar daniyalik futbolchi uchun 90 million funt sterling (99,4 million evro) taklif qilishga tayyor.

O'tgan mavsumda Eriksen «Tottenxem» safida 51ta o'yinda maydonga tushib, 10ta gol urdi va 17ta golga uzatma berdi. Uning londonliklar bilan shartnomasi ushbu mavsum so'ngida yakuniga etadi. 27 yoshli futbolchi "shporlar" bilan shartnomani uzaytirishni istamayapti.