Rasman! Aleksis Sanches «Inter»ga o'tdi

«Manchester Yunayted» klubi o'zining Tvitterdagi sahifasi orqali hujumchi Aleksis Sanchesning «Inter»ga o'tganini e'lon qildi.

Chililik futbolchi bir yillik ijara asosida milanlar safiga qo'shildi. Hozircha kelishuvning boshqa shartlari oshkor qilinmayapti. La Gazzetta dello Sport tarqatgan xabarga ko'ra, «Inter» kelasi yili futbolchini 15 million evroga sotib olish huquqiga ega bo'ladi.

Aleksis Sanches 2018 yilning yanvar oyidan beri «MYu» sharafini himoya qilib kelayotgan edi. 30 yoshli futbolchi mankunianliklar safida 45ta o'yinda maydonga tushib, 5ta gol urib, 9ta golga uzatma berdi.