«Barselona» Manjukichni sotib olishi mumkin

"Barselona" klubi "Yuventus" hujumchisi Mario Manjukichni sotib olishni ko'zlamoqda. Bu haqda Goal.com xabar tarqatdi.

Manbaga ko'ra, hujumchilar birin-ketin jarohat olganidan keyin "ko'k-anorranglilar" yangi hujumchi sotib olish variantini ko'rib chiqmoqda.

"Barsa" 33 yoshli xorvatiyalik futbolchining transfer kelishuviga o'z himoyachisi Xuan Mirandani qo'shishi mumkin.

Manjukich 2015 yildan berni "Yuventus" sharafini himoya qilmoqda. Bu vaqt davomida u 162ta o'yinda maydonga tushib, 44ta gol urdi va 24ta golga assistentlik qildi.

Uning bozor narxi 18 million evroga teng.