A seriya to'purari mavsum oxirigacha sotilmaydi

«Jenoa» prezidenti Enriko Pretsiozi bayonot berib, klub hujumchisi Kshishtof Pentek mavsum oxirigacha sotilmasligini ta'kidladi.

«Iyun oyigacha hech kim jamoani tark etmaydi. Pentek va Kuame bizga kerak. Mish-mishlar ko'p, ammo biz hech qanday taklif olmadik.

Jamoaga kim kelishi mumkin? Bizga ikki nafar mahoratli yarim himoyachilar kerak. Biz Rade Krunich borasida «Empoli»ga taklif yubordik. Shuningdek, Stefano Sturaroni safimizga qo'shib olish niyatimiz bor. Ishonchim komil, u bizning jamoaga o'tadi. Uning uchun ma'lum summani to'laymiz, lekin bu investitsiya bo'ladi», – dedi Pretsiozi.

A seriyaning birinchi davrasidan so'ng Pentek 13ta gol bilan to'purarlar poygasida 2-o'rinda bormoqda. «Yuventus» hujumchisi Krishtianu Ronaldu hisobida 14ta gol bor.