«Barselona» yarim himoyachisi «Valensiya»ga o'tishga yaqin turibdi

"Valensiya" klubi "Barselona" yarim himoyachisi Rafinya Alkantaraning transferini amalga oshirishga yaqin turibdi. Bu haqda Sport.es xabar tarqatdi.

Manbaga ko'ra, "ko'rshapalaklar" tez orada 26 yoshli futbolchini 10 million evroga sotib olishadi. Jamoa braziliyalik futbolchining o'zi bilan shaxsiy shartnoma borasida kelishuvga erishib bo'ldi.


Rafinya "Barselona" tarbiyalanuvchisi hisoblanadi. U 2011 yilning noyabr oyida "ko'k-anorranglilar"ning asosiy tarkibida debyut qilgan. Shu paytgacha "Selta" va "Inter" klublarida ijarada o'ynashga ham ulgurgan.