Sane «Bavariya»da qancha maosh olishi va qanday raqamda o'ynashi aniq bo'ldi

«Manchester Siti» yarim himoyachisi Leroy Sane «Bavariya»ga o'tishga yaqin turibdi.

France Football tarqatgan xabarga ko'ra, tomonlar ushbu transferni yakunlash arafasida turishibdi. Myunxenliklar Sane uchun 110 million evro to'lashadi va germaniyalik futbolchi bilan 5 yillik shartnoma imzolashadi. Bu Bundesliga tarixidagi eng yirik transferga aylanadi.

Bundan tashqari, Sane «Bavariya» tarkibida eng ko'p maosh oluvchi futbolchiga aylanadi — yiliga 18 mln evro. Bungacha myunxenliklar safida eng ko'p maoshni Robert Levandovski olayotgan edi (16 mln evro).

Leroy Sane «Bavariya»da 10-raqamni oladi. Bu raqam ancha yillar davomida Aren Robbenga tegishli edi. Gollandiyalik futbolchi yozgi transfer paytida jamoani tark etdi.