«MYu» Dibala transferidan voz kechdi

«Manchester Yunayted» klubi «Yuventus» hujumchisi Paulo Dibalani xarid qilish fikridan voz kechdi. Bu haqda The Telegraph xabar tarqatdi.

Ma'lumotlarga qaraganda, buning bir nechta sabablari bor. Birinchidan, argentinalik futbolchi Turinni tark etishni ko'p ham istamadi. Ikkinchidan, u juda katta maosh talab qildi. Uchinchidan, u o'z agentlariga katta miqdorda haq to'lashni so'radi.

Bundan tashqari, «MYu» bosh murabbiyi Ole-Gunnar Sulsher faqatgina jon-jahdi bilan bu jamoada o'ynashni istagan futbolchi bilan shartnoma imzolashni istamoqda.

Dibalaning transferi amalga oshganida, mankunianliklar uni Romelu Lukakuga almashishni ko'zlashayotgan edi.