«Barselona» Firponi sotib olishga yaqin turibdi

"Barselona" yaqin kunlarda "Betis" klubi chap qanot himoyachisi Xunior Firponing transferini amalga oshiradi.

Sport.es tarqatgan xabarga ko'ra, tomonlar bir to'xtamga kelishdi. Katta ehtimol bilan kataloniyaliklar Firpo uchun 20-21 million evro atrofida pul to'lashadi. Turli bonuslar hisobiga bu summa yana oshishi mumkin. "Barsa" Malkomni "Zenit"ga sotganidan keyin mazkur himoyachi sotib olish uchun etarli mablag'ga ega bo'ldi.

22 yoshli futbolchi yakshanba yoki dushanba kuni Barselona shahriga uchib kelib, tibbiy ko'rikdan o'tadi va shartnoma imzolaydi.

Firpo o'tgan mavsumda "Betis" safida 29ta o'yinda maydonga tushib, 3ta gol urdi va 5ta golga assistentlik qildi.