"Yuventus" Devid bilan shartnoma imzolamoqchi

Kanada terma jamoasi va Frantsiyaning "Lill" klubi hujumchisi Jonatan Devid faoliyatini Italiya chempionatida davom ettirish imkoniyatiga ega. Bu haqda AS xabar bermoqda.

24 yoshli futbolchining xizmatlariga Turinning "Yuventus" klubi qiziqish bildirmoqda. "Keksa sinora" futbolchining shartnomasi tugashidan unumli foydalanmoqchi. Devidning "Lill" bilan amaldagi shartnomasi kelasi yilning iyun oyi oxirigacha amal qiladi. Kanadalik futbolchining transfer narxi 50 million evroga baholanmoqda. Frantsiya chempionatining o'tgan mavsumida Jonatan 34 ta o'yinda maydonga tushib, 19 ta gol va 4 ta golli uzatmani amalga oshirgan.