"MYu" futbolchisi Turkiya chempionatiga yo'l olishi mumkin

Angliya Premer-ligasining joriy mavsumida atigi bir daqiqa o'ynagan "Manchester Yunayted" vingeri Antoni "Fenerbaxche"ga ijaraga berilishi mumkin. Bu haqda Daily Mail xabar bermoqda.

"MYu"ning sobiq bosh murabbiyi Joze Mourino boshchiligidagi turk klubi Angliyada jamoalar uchun yozgi transfer oynasi allaqachon yopiq bo'lishiga qaramay, braziliyalik futbolchini ijaraga olmoqchi. Turkiyada transfer bozori 13 sentyabrgacha ochiq qoladi. Bu “Fenerbaxche”ni shartnomani yakunlash imkonini beradi.

Antoni ikki yil avval 85,5 million funt evaziga "Ayaks"dan "Manchester Yunayted"ga o'tgan edi. Klubdagi faoliyati davomida u 83 o'yin o'tkazib, 11 gol urgan.

Joriy mavsumda “Fenerbaxche” Turkiya Superligasida to'rtta o'yindan uchtasida g'alaba qozonib, 10 ochko jamg'arib, birinchi o'rinda bormoqda.