Usmon Diomande "Manchester Siti"ga o'tishi mumkin

Portugaliyaning “Sporting” klubida o'ynayotgan markaziy himoyachi Usmon Diomande Angliya chempionatiga o'tishi mumkin.

Todofichajes portali sahifalarida xabar qilinishicha, "Manchester Siti" 20 yoshli ivuarlik futbolchini o'z safiga qo'shib olmoqchi. Futbolchining transferi bilan "shaharliklar" bosh murabbiyi Pep Gvardiolaning shaxsan o'zi qiziqmoqda.

Himoyachining transfer qiymati 40 million evroga baholangan va uning "Sporting" bilan shartnomasi 2027 yilning iyun oyi oxirigacha amal qiladi. Portugaliya chempionatining joriy mavsumida Usmon to'rtta o'yinda maydonga tushib, gol ura olmadi.