"Arsenal" o'zining ikki futbolchisi uchun Saudiyadan tushgan taklifga rad javob berdi

Londonning "Arsenal" klubi yozda ukrainalik himoyachi Aleksandr Zinchenko va uning sherigi Gabriel Jezus transferi bo'yicha takliflar oldi.

A Presser nashri xabariga ko'ra, Saudiya Arabistonining nomi oshkor etilmagan klubi ikkala futbolchini ham o'z safiga qo'shib olmoqchi bo'lgan.

Biroq London klubi bu takliflarning ikkalasini ham rad etdi.

Eslatib o'tamiz, o'tgan mavsumda Zinchenko "Arsenal" safida barcha turnirlar doirasida 35 ta o'yin o'tkazib, bitta gol urgan va ikkita golli uzatmani amalga oshirgan.